ICA.GE ჩვენს შესახებ არქივი დაგვიკავშირდით
GE |  AB |  EN |  RU
სიახლეები ოკუპირებული აფხაზეთი
გადაცემები

გაერო-ს ადამიანის უფლებების საბჭოს 48-ე სესიაზე საქართველოს შესახებ მოხსენება წარადგინეს

2021-10-07 18:56

გაერო-ს ადამიანის უფლებების საბჭოს 48-ე სესიაზე საქართველოს შესახებ მოხსენება წარადგინეს. მოხსენება გაერო-ს ადამიანის უფლებების უმაღლესმა კომისარმა მიშელ ბაშელეტმა წარადგინა. ბაშელეტმა აფხაზეთსა და სამხრეთ ოსეთის რეგიონში ადამიანის უფლებების ფაქტების, ასევე „კოვიდ-19“-ის პანმდემიით გამოწვეული შემთხვევების და სიკვდილიანობის ზრდის გამო შეშფოთება გამოთქვა.

„მოვუწოდებ ხელისუფლებას და საზოგადოების ყველა წევრს, გააკეთონ ყველაფერი ადამიანის უფლებების და ჯანმრთელობის დასაცავად. ასევე მოვუწოდებ ხელისუფლებას 15 ივლისს თბილისში ჰომოფობიური ჯგუფის მიერ განხორციელებული ძალადობრივი ქმედებების გამოძიებისკენ, რამაც გამოიწვია 15-ზე მეტი ჟურნალისტის დაზიანება და შემდგომ ოპერატორის სიკვდილი. ამ ინციდენტებმა გამოიწვია LGBT+Q საზოგადოების მშვიდობიანი შეკრების უფლების შეზღუდვა. გარდა ამისა, მეტი დაცვითი ღონისძიებები უნა გატარდეს მედიამუშაკების დასაცავად.

ასევე ვეხმიანები ეუთო/ ოდირის ოფისის დასკვნას საქართველოს სასამართლოში მოსამართლეთა კანდიდატურების წარდგენისა და დანიშვნის პროცესის ასპექტების შესახებ. ამ კონტექსტში ხელისუფლებას ეფექტური ქმედებებისკენ მოვუწოდებ. უნდა აღვნიშნო, რომ ადამიანის უფლებების დაცვის ოფისი მოკლებულია აფხაზეთსა და სამხრეთ ოსეთში დაშვების შესაძლებლობას. მიუხედავად ამისა, საბჭო აგრძელებს დაშვების მოთხოვნას. შეშფოთებას იწვევს აფხაზეთსა და სამხრეთ ოსეთში, „კოვიდ-19“-ის პანდემიის გაძლიერება, რაზეც ნეგატიურ გავლენას ახდენს ზოგი დისკრიმინაციული ქმედება.

გარდა ამისა, სიღარიბე, ფუნდამენტური ეკონომიკური და სოციალური უფლებების შეზღუდვა ზრდის ათიათასობით ადამიანის დაუცველობას, რომლებიც დაზარალდნენ კონფლიქტის გამო. შეშფოთებული ვარ ეთნიკურ ნიადაგზე დამყარებული ადამიანის უფლებების დარღვევის ფაქტების გამო გალისა და ახალგორის რაიონში, რომლებიც მოიცავს გადაადგილების უფლების, განათლების მიღების უფლების შეზღუდვას და შესაბამისი ჯანდაცვის მიღებას. მივესალმები შეზღუდვების მოხსნას ივლისში აფხაზეთსა და თბილისის მიერ კონტროლირებად ტერიტორიას შორის მდებარე გამშვებ პუნქტზე. გადაადგილების თავისუფლება მნიშვნელოვანია ბევრი პირისთვის, რომლებიც კვეთენ მდინარეს მათი პენსიის, აუცილებელი მედიკამენტებისა და სხვა საჭირო ნივთების მისაღებად.

აპრილის თვეში, მდინარე ენგურში დაღუპული ოთხი ადამიანის ფაქტი კიდევ ერთხელ გვაფიქრებს ხალხის არასაჭირო მსხვერპლის შესახებ. მოვუწოდებ, დაუყოვნებლივ მოიხსნას არასაჭირო შეზღუდვები სამხრეთ ოსეთის ადმინისტრაციულ საზღვარზე. მივესალმები საქართველოს მოქალაქის, ზაზა გახელაძის გათავისუფლებას ივლისში, რომელიც სამხრეთ ოსეთში იყო დაკავებული. ასევე მოვუწოდებ, სამხრეთ ოსეთსა და აფხაზეთში 2014-2019 წლებში მკვლელობის 4 ფაქტის გამოძიებისკენ, რასაც წინა მოხსნებაში გავუსვი ხაზი.

მოვუწოდებ ყველა მხარეს შეასრულონ ამ და წინა მოხსენებების დროს მიცემული რეკომენდაციები. კვლავ ვიმეორებ აფხაზეთსა და სამხრეთ ოსეთში ადამიანის უფლებების დაცვის ოფისის დაშვების აუცილებლობას, რადგან საერთაშორისო და რეგიონალური ადამიანის უფლებების მექანიზმი კონსტრუქციულად ხელს შეუწყობს ნდობის აღდგენას და სარგებელს მოუტანს მოსახლეობას ადამიანის უფლებების კუთხით“, – განაცხადა მიშელ ბაშელეტმა.

 

წყარო: https://1tv.ge/news/gaero-s-adamianis-uflebebis-sabchos-48-e-sesiaze-saqartvelos-shesakheb-mokhseneba-waradgines/


 
 
თქვენთვის საინტერესო
ახალი ამბები ყოვლადწმინდა ღვთისმშობლის ხატი – „ყოველთა მწუხარეთა სიხარული“ ბორჯომის წმინდა მღვდელმთავარ ნიკოლოზის სახელობის საკათედრო ტაძარში დაბრძანდა
ყოვლადწმინდა ღვთისმშობლის ხატი - „ყოველთა მწუხარეთა სიხარული" ქარელის ყოვლადწმინდა სამების სახელობის საკათედრო ტაძრიდან წამოაბრძანეს და ბორჯომისა და ბაკურიანის ეპარქიაში, ბორჯომის წმინდა მღვდელმთავარ ნიკოლოზის სახელობის საკათედრო ტაძარში დაბრძანდა.

„ყოველთა მწუხარეთა სიხარული" თბილისიდან ქუთაისში წააბრძანეს და ღვთისმშობლის ხარების სახელობის ტაძარში დააბრძანეს.
27 სექტემბერს ღვთისმშობლის ხატი „ყოველთა მწუხარეთა სიხარული", რომელიც ერთი წლის წინ, აფხაზეთში 90-იან წლებში განვითარებული ტრაგიკული მოვლენებისას დაღუპულთა სულების მოხსენიებისა და შერიგების მლოცველთათვის სრულიად საქართველოს კათოლიკოს პატრიარქის უწმინდესისა და უნეტარესის ილია II-ის ლოცვა-კურთხევით დაიწერა

საქართველოს პრეზიდენტმა 2016 წელი საქართველოში ევროპული სახელმწიფოს წლად გამოაცხადა
გიორგი მარგველაშვილი : ჩვენ დამოუკიდებლობიდან უნდა შევქმნათ თავისუფალი საქართველო! საქართველოს პრეზიდენტი გიორგი მარგველაშვილი ეროვნული გვარდიის  25 წლისთავისადმი მიძღვნილ ცერემონიას დაესწრო. ქვეყნის უმაღლესმა მთავარსარდალმა სამხედრო მოსამსახურეებს სიტყვით მიმართა: 

აფხაზეთის ავტონომიური რესპუბლიკის საინფორმაციო უზრუნველყოფის ცენტრის განცხადება
16 მარტს, გმირთა მოედანზე,  საქართველოს ცენტრალური და აფხაზეთის ავტონომიური რესპუბლიკის  ხელისუფლებისა და  საზოგადოების წარმომადგენლებმა  გვირგვინებით შეამკეს  საქართველოს ტერიტორიული მთლიანობისათვის ბრძოლებში დაღუპულთა მემორიალი.


 
covid.ge
call center
 
 
 
დეკემბერი
2021
ორ სამ ოთხ ხუთ პარ შაბ კვ
  
1
2
3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
საინტერესო ბმულები
ყველა სიახლე >>>   
 Created By Intellcomgroup