ICA.GE ჩვენს შესახებ არქივი დაგვიკავშირდით
GE |  AB |  EN |  RU
სიახლეები ოკუპირებული აფხაზეთი
გადაცემები

ეუთო-ს თავმჯდომარე აცხადებს, რომ ეუთო-მ ყურადღება უნდა მიაქციოს საქართველოში კონფლიქტებისგან დაზარალებულ მოსახლეობას

2022-01-13 15:28

 

ეუთო-მ არ უნდა დაიშუროს ძალისხმევა საქართველოში კონფლიქტის მოგვარების პროცესის წინსვლისთვის, – ამის შესახებ ეუთო-ს მოქმედმა თავმჯდომარემ, პოლონეთის საგარეო საქმეთა მინისტრმა, ზბიგნევ რაუმ ეუთო-ს მუდმივ საბჭოზე სიტყვით გამოსვლისას განაცხადა.

პოლონელი დიპლომატის თქმით, ევროპის უსაფრთხოებისა და თანამშრომლობის ორგანიზაციამ ყურადღება უნდა მიაქციოს საქართველოში კონფლიქტებისგან დაზარალებულ მოსახლეობას.

ეუთო-ს მოქმედმა თავმჯდომარემ ასევე ყურადღება გაამახვილა უკრაინის, დნესტრისპირეთის, მთიანი ყარაბაღის საკითხებზეც და აღნიშნა, რომ ეუთო-ს კონფლიქტების მშვიდობიანად დარეგულირების მიმართულებით უფრო აქტიურად უნდა იმოქმედოს.

„ჩვენ გვსურს, განსაკუთრებული ყურადღება მივაქციოთ ეუთო-ს ზონაში არსებულ უსაფრთხოების სიტუაციის გაუმჯობესებას, განსაკუთრებით რეგიონული და გაჭიანურებული კონფლიქტების მშვიდობიანი გადაწყვეტის მხარდაჭერით. ეუთო-ს კარგი პოზიციები აქვს, რომ დაეხმაროს არსებული დავების შემსუბუქებას. ამ კუთხით ჩვენ ფოკუსირება უნდა მოვახდინოთ უკრაინის კონფლიქტის მშვიდობიან დარეგულირებაზე მინსკის შეთანხმების შესაბამისად და უკრაინის სუვერენიტეტის, ერთიანობისა და ტერიტორიული მთლიანობის პატივისცემით საერთაშორისოდ აღიარებულ საზღვრებში.

ჩვენ მადლობას ვუხდით და მაღალ შეფასებას ვაძლევთ ეუთო-ს სპეციალური სადამკვირვებლო მისიის საქმიანობას უკრაინაში. მისიას სრული მანდატი უნდა ჰქონდეს უკრაინაში მუშაობისთვის. ჩვენ არ უნდა დავიშუროთ ძალისხმევა კონფლიქტის მოგვარების პროცესის წინსვლისთვის საქართველოში. ასევე უნდა გავითვალისწინოთ კონფლიქტისგან დაზარალებული მოსახლეობა. ჩვენ შევთავაზებთ ჩვენს დახმარებას დნესტრისპირეთის საკითხის გადაწყვეტის დასრულებისთვის. მთიან ყარაბაღში და მის გარშემო შეიარაღებული დაპირისპირების დასრულების შემდეგ, ჩვენ უნდა გავაძლიეროთ ძალისხმევა, რომელიც ხელს შეუწყობს რეგიონში გრძელვადიან მშვიდობას და განვითარებას. ასევე ყაზახეთში ბოლო დროს განვითარებული მოვლენები შეშფოთების სერიოზულ მიზეზებს გვაძლევს. სამომავლოდ უკეთესად უნდა ვიყოთ მომზადებულები, რათა გამოვიყენოთ ეუთო-ს ყველა აქტივი და ინსტრუმენტი დაძაბულობების მშვიდობიანი გადაწყვეტის უზრუნველყოფისთვის“, – განაცხადა ზბიგნევ რაუმ.


 
 
თქვენთვის საინტერესო
ახალი ამბები ყოვლადწმინდა ღვთისმშობლის ხატი – „ყოველთა მწუხარეთა სიხარული“ ბორჯომის წმინდა მღვდელმთავარ ნიკოლოზის სახელობის საკათედრო ტაძარში დაბრძანდა
ყოვლადწმინდა ღვთისმშობლის ხატი - „ყოველთა მწუხარეთა სიხარული" ქარელის ყოვლადწმინდა სამების სახელობის საკათედრო ტაძრიდან წამოაბრძანეს და ბორჯომისა და ბაკურიანის ეპარქიაში, ბორჯომის წმინდა მღვდელმთავარ ნიკოლოზის სახელობის საკათედრო ტაძარში დაბრძანდა.

„ყოველთა მწუხარეთა სიხარული" თბილისიდან ქუთაისში წააბრძანეს და ღვთისმშობლის ხარების სახელობის ტაძარში დააბრძანეს.
27 სექტემბერს ღვთისმშობლის ხატი „ყოველთა მწუხარეთა სიხარული", რომელიც ერთი წლის წინ, აფხაზეთში 90-იან წლებში განვითარებული ტრაგიკული მოვლენებისას დაღუპულთა სულების მოხსენიებისა და შერიგების მლოცველთათვის სრულიად საქართველოს კათოლიკოს პატრიარქის უწმინდესისა და უნეტარესის ილია II-ის ლოცვა-კურთხევით დაიწერა

საქართველოს პრეზიდენტმა 2016 წელი საქართველოში ევროპული სახელმწიფოს წლად გამოაცხადა
გიორგი მარგველაშვილი : ჩვენ დამოუკიდებლობიდან უნდა შევქმნათ თავისუფალი საქართველო! საქართველოს პრეზიდენტი გიორგი მარგველაშვილი ეროვნული გვარდიის  25 წლისთავისადმი მიძღვნილ ცერემონიას დაესწრო. ქვეყნის უმაღლესმა მთავარსარდალმა სამხედრო მოსამსახურეებს სიტყვით მიმართა: 

აფხაზეთის ავტონომიური რესპუბლიკის საინფორმაციო უზრუნველყოფის ცენტრის განცხადება
16 მარტს, გმირთა მოედანზე,  საქართველოს ცენტრალური და აფხაზეთის ავტონომიური რესპუბლიკის  ხელისუფლებისა და  საზოგადოების წარმომადგენლებმა  გვირგვინებით შეამკეს  საქართველოს ტერიტორიული მთლიანობისათვის ბრძოლებში დაღუპულთა მემორიალი.


 
covid.ge
call center
 
 
 
სექტემბერი
2022
ორ სამ ოთხ ხუთ პარ შაბ კვ
    1 2 3 4
5 6
7
8 9 10 11
12
13
14 15 16 17 18
19
20
21 22
23
24 25
26 27 28 29 30
საინტერესო ბმულები
ყველა სიახლე >>>   
 Created By Intellcomgroup